Kabanata 4: Integridad sa Negosyo 

Paano natin ito isinasabuhay, araw-araw

• Maging tapat at totoo patungkol sa mga sitwasyon ng conflict-of-interest. Kung may mga umiiral na conflict-of-interest, tila may mga conflict-of-interest, o kung saan maaaring magkaroon ng mga ito, ipahayag agad sa iyong people manager o Legal and Compliance, at sundin ang mga lokal na pamamaraan upang ang mga conflict-of-interest ay mapamahalaan.
• Huwag hayaang maapektuhan ng personal na konsiderasyon, tulad ng mga pakikisangkot sa labas, pinansyal na interes, o personal na relasyon, ang iyong mga desisyon sa Nestlé. Bumitiw sa anumang proseso ng pagdedesisyon kung sa tingin mo na ang iyong paghatol ay maaaring makompromiso.
• Isagawa lamang ang iyong mga pakikisangkot sa labas kung hindi ito makakaapekto sa iyong mga responsibilidad sa Nestlé o sa paglikha ng panganib sa kumpanya.

Pagsusuri ng ating Code

T. Nagbukas ng bakanteng posisyon sa Nestlé at ang aking pinsan ay kwalipikado para dito Maaari ko ba siyang irekomenda para sa posisyon? 

S. Kung ang iyong pinsan ay may mga kwalipikasyon, kasanayan, at karanasan na naaayon sa posisyon, oo, maaari mo siyang i-rekomenda. Tiyakin lamang na ihayag ang iyong relasyon upang maiwasan ang anumang anyo ng conflict-of-interest at siguruhin na hindi ka kasali sa proseso ng pag-aaplay. Kung makuha nito ang posisyon, dapat ring tiyakin na wala kang direct reporting relationship sa kaniya Kung sakaling magkakaroon ng indirect reporting relationship, maaaring kailanganin ang angkop na mga hakbang sa mitigation measures.

Mga oportunidad sa negosyo: Maaring kasama dito ang bayad na pagtratrabaho para sa isang kakompetensya, kustomer, supplier o business partner o pagsamantala sa mga oportunidad sa negosyo kasama ang Nestlé o iba pang mga negosyo na natuklasan habang nagtatrabaho.

Ang bawat isa sa atin ay dapat na lubos na nakatuon sa pagsulong at pagpapaunlad ng negosyo ng Nestlé. Sa anumang pagkakataon, hindi tayo dapat makilahok o makipag-ugnayan sa mga kakompetensya ng kumpanya, direkta man o hindi. Ang bagong oportunidad sa negosyo na natuklasan habang nagtratrabaho sa Nestlé ay dapat ipaalam sa iyong people manager. Maaari kang pahintulutan na ituloy ang pagkakataon na ito kung papayagan ng kumpanya, at kung ito ay hindi makakaapekto sa iyong kasalukuyang responsibilidad sa Nestlé. Dapat mo ring ipaalam sa iyong people manager kung nais mong maging isang supplier sa Nestlé sa pamamagitan ng isang hiwalay na personal na negosyo.

Pinansyal na interes: Maaaring kasama dito ang pagkakaroon ng malaking interes sa pinag-aagawang kumpanya, supplier o iba pang business partner ng Nestlé. Bago sumailalim sa anumang interes na pinansiyal ng ganitong uri, ideklara ito at humiling ng pahintulot.

Iba pang mga aktibidad sa labas: Maaaring isama dito ang pagtanggap ng mga bayad mula sa mga supplier, kustomer, business partner, o iba pang third party para sa pagbibigay ng impormasyon, o pakikilahok sa mga kaganapan o speaking engagements.

Ang ating kasanayan, kaalaman, at karanasan ay ilan sa pinakamahalagang ari-arian sa Nestlé. Bagaman ang pakikilahok sa mga kaganapan at mga pag-uusap ay maaaring magkaroon ng positibong epekto sa reputasyon ng Nestlé at nagbibigay-daan sa atin na makipag-ugnayan sa iba hinggil sa mahahalagang isyu, iwasan ang pagtanggap ng bayad sa mga ganitong pakikisangkot kapag ikaw ay nakikilahok bilang kinatawan ng Nestlé. Kung ikaw ay nakikilahok sa isang kaganapan na may kinalaman sa negosyo sa personal na kapasidad, ipaalam sa iyong people manager at tiyakin na ang iyong pakikilahok ay hindi magdudulot ng mga panganib sa reputasyon ng Nestlé. Huwag kailanman magbahagi ng pribadong impormasyon.