Kabanata 4: Integridad sa Negosyo 

Ang Paraan ng Nestlé

Mula sa pagbuo ng mga bagong format at flavor upang mapabuti ang sustainability at nutritional benefits, ating mas pinagyayaman ang pagpapakahulugan sa Nestlé bilang isang Good food, Good life na kumpanya. Ito rin ay nangangailangan ng maingat na pamamahala ng confidential at iba pang hindi-pampublikong impormasyon upang mapangalagaan ang competitive advantage ng Nestlé.

Ang pagbabahagi ng confidential na impormasyon nang walang pahintulot ay isang paglabag sa patakaran ng kumpanya at maaaring magdulot ng legal na mga kahihinatnan. Hindi kailanman hahanapin o gagamitin ng Nestlé ang proprietary o kumpidensyal na impormasyon mula sa mga empleyado na maaaring nakuha nila sa panahon ng kanilang dating trabaho.

Paano natin ito isinasabuhay, araw-araw

• Unawain ang mga uri ng impormasyon na iyong pinamamahalaan at ang mga patakaran na naaangkop sa mga ito Humingi ng gabay kung hindi ka sigurado.
• Magbahagi lamang ng confidential na impormasyon kung ikaw ay awtorisado na gawin ito. Kasama dito ang pagbabahagi sa social media at sa iyong mga kaibigan at pamilya maging ang panahon pagkatapos ng iyong pagtratrabaho sa Nestlé. Maging maingat din kapag nagbabahagi ng impormasyon sa loob man ng kumpanya.
• Ipakita ang parehong pag-aalaga at pagrespeto sa pribado at kumpidensyal na impormasyon ng ating mga business partners, suppliers at kustomers.
• Gumamit lamang ng mga software, teknolohiya, at mga information systems na aprubado ng Nestlé sa pagproseso ng anumang impormasyon ng kumpanya. Sundin ang pamamaraan sa seguridad ng data at protektahan ang lahat ng elektronikong kagamitan.
• Iwasang talakayin ang kumpidensyal na impormasyon sa mga pampublikong lugar kung saan maaari kang mapakinggan ng ibang tao.